काँक्रेविहार
सुर्खेतको काँक्रेविहार, १२ औं शताब्दीको बौद्ध मन्दिर।
प्रादेशिक राजधानीको छेउमा घना जङ्गलको बिचमा रमणीय ऐतिहासिक र पुरातात्विक महत्वको ठाउँ। मन्दिर प्रवेशको लागि थोरै शुल्क लाग्ने रहेछ। हामी काठमाडौँ बासिन्दालाई मन्दिर प्रवेशमा पैसा परेको थोरै अनौठो लाग्ने रहेछ। यता विदेशीहरूलाई बाहेक हामी कसैलाई कतै प्रवेश शुल्क लाग्दैन। तर आन्तरिक पर्यटकबाट थोरै शुल्क लिएर यस ठाउँको संरक्षण हुन्छ भने त्यो कुनै समस्याको कुरा भएन।
थाईल्याण्डको अनुभव शेयर गर्न चाहें। बैंकक घुम्ने दिन हाम्रो टुर गाइडले एउटा मन्दिर अगाडी रोके। प्रवेश शुल्क ฿ ४० (रू २००) थियो। त्यति पैसा तिरेपछि हेर्ने ठाउँ खत्रै होला भन्ने आशा थियो। मन्दिर सुन्दर थियो, त्यसमा शंका रहेन तर त्यस्ता मन्दिरहरू त हाम्रोमा गल्ली-गल्लीमा छन्। हामीले हरेक मन्दिर पसेको छुट्टाछुट्टै शुल्क विदेशीहरूसंग लिएका छैन।
