Navin's Blog

सुर्खेतको काँक्रेविहार, १२ औं शताब्दीको बौद्ध मन्दिर।

प्रादेशिक राजधानीको छेउमा घना जङ्गलको बिचमा रमणीय ऐतिहासिक र पुरातात्विक महत्वको ठाउँ। मन्दिर प्रवेशको लागि थोरै शुल्क लाग्ने रहेछ। हामी काठमाडौँ बासिन्दालाई मन्दिर प्रवेशमा पैसा परेको थोरै अनौठो लाग्ने रहेछ। यता विदेशीहरूलाई बाहेक हामी कसैलाई कतै प्रवेश शुल्क लाग्दैन। तर आन्तरिक पर्यटकबाट थोरै शुल्क लिएर यस ठाउँको संरक्षण हुन्छ भने त्यो कुनै समस्याको कुरा भएन।

थाईल्याण्डको अनुभव शेयर गर्न चाहें। बैंकक घुम्ने दिन हाम्रो टुर गाइडले एउटा मन्दिर अगाडी रोके। प्रवेश शुल्क ฿ ४० (रू २००) थियो। त्यति पैसा तिरेपछि हेर्ने ठाउँ खत्रै होला भन्ने आशा थियो। मन्दिर सुन्दर थियो, त्यसमा शंका रहेन तर त्यस्ता मन्दिरहरू त हाम्रोमा गल्ली-गल्लीमा छन्। हामीले हरेक मन्दिर पसेको छुट्टाछुट्टै शुल्क विदेशीहरूसंग लिएका छैन।

मुगु जिल्ला प्राकृतिक सुन्दरताले निकै धनी ठाउँ हो। देशकै ठूलो रारा ताल यतै छ। तर जिल्लाको सदरमुकाम पुग्न प्रादेशिक राजधानी सुर्खेतबाट दुई दिनको राजमार्गको यात्रा गर्न पर्छ। हवाईमार्गबाट मुगुलाई सुर्खेतले जोडिँदैन। त्यसको लागि नेपालगन्जबाट यात्रा गर्नुपर्ने हुन्छ।

हरेक वर्ष रारा घुम्न आउनेहरूको ठूलो समूह छ। यहाँ पुग्ने बाटो निकै नै रमणीय र साहसिक छ तर प्राय ठाउँमा पुगेपछि निरास हुन्छन्। यताउटी फोटो खिचेपछि एक घण्टा भुल्ने ठाउँ पनि छैन। यता पुगेपछि बस्ने खाने राम्रो सुविधा छैन। सदरमुकाम गमगढीमा राम्रो होटलहरू छैनन् र तालकै छेउछाउका रिसोर्टहरू अत्यन्तै महँगा छन्। यता पुग्ने सबै जना कवि हुन्नन्। सबैजना फेवा तालसँग तुलना गर्दै फर्कन्छन्।

यात्रा महत्वपूर्ण हो, गन्तव्य हैन भन्ने भनाइ यो ठाउँमा सार्थक हुन्छ।

क्रिसमसको दिनमा देखिने पूर्णिमा एउटा दुर्लभ घटना मानिन्छ जुन करिब हरेक १९ वर्षमा एकपटक हुन्छ; यसअघि यस्तो घटना सन् १९७७ मा भएको थियो भने अर्को पटक सन् २०३४ मा हुनेछ।

Canon PowerShot SX50