लखनउको यात्रा
लखनउ सहरले तपाईंलाई मोहित बनाउँछ तर चर्को गर्मी, अस्तव्यस्त ट्राफिक र कहिलेकाहीँ देखिने फोहोरका कारण धैर्यताको परीक्षा पनि लिन्छ।
यो सहर नयाँ पूर्वाधार र पुरानो सम्पदाको मिश्रण हो। सहरका केही ठाउँले तपाईंलाई मन्त्रमुग्ध बनाउँछन् भने केही ठाउँले अलि खिन्न पनि पार्न सक्छन्। काठमाडौंमा हुर्किएकाले परम्परागत वास्तुकला प्रति मेरो सधैँ विशेष लगाव रह्यो। त्यसैले लखनउको पुरानो सहर, विशेषगरी त्यहाँका गल्लीहरूमा पुग्दा आफ्नै ठाउँ जस्तो अनुभूति भयो।
यदि तपाईं थोरै अव्यवस्था सहन सक्नुहुन्छ भने यो ठाउँले तपाईंलाई अनगिन्ती आकर्षण र सुन्दर अनुभवले पुरस्कृत गर्नेछ।